У свеце вельмі многа розных моў, але толькі адна з іх родная. Менавіта яна для чалавека самая прыгожая, любімая і дарагая. І кожны год 21 лютага ў Міжнародны дзень роднай мовы людзі прызнаюцца ў любові да матчынага слова.
Школьная бібліятэка напярэдадні гэтага свята ў шосты школьны дзень з мэтай фарміравання цікавасці і павагі да беларускай мовы правяла для вучняў 5-х класаў інтэлектуальную гульню “Вандроўка ў родную мову”.
На мерапрыемстве дзеці выконвалі розныя заданні: разгадвалі загадкі, падбіралі рыфму, прагаворвалі скорагаворкі, падбіралі словы з процілеглым значэннем, тлумачылі прыказкі, перакладалі словы з рускай мовы.
Вызначаны самыя кемлівыя знаўцы беларускай мовы: з 5”Б” класа – Янулевіч Вера, Сецкі Нікіта, Веренік Ева і інш. З 5”Г“ класа - Шышла Вераніка, Есаўлава Даша і інш.
Мерапрыемства запомнілася ўсім, яно прайшло цікава і спадабалася вучням.
У канцы бібліятэкар гімназіі зрабіла абагульненне, што трэба больш чытаць кнігі на роднай мове. Сёння беларуская мова стала элітарнай, бо на ёй размаўляюць высокаадукаваныя людзі: літаратары, мастакі, некаторыя дзеячы навукі.