23 верасня 2023 года на базе ДУА “Гімназія №3 г. Барысава” у рамках абмену эфектыўнага педагагічнага вопыту адбыўся майстар-клас настаўніка беларускай мовы і літаратуры вышэйшай кваліфікацыйнай катэгорыі ДУА “Сярэдняя школа №3 г. Талачын імя М.Б. Осіпавай” Плескача С.І. па тэме “Выкарыстанне міжпрадметных сувязей на вучэбных занятках і ў краязнаўчай дзейнасці праз рэалізацыю адукацыйнага праекту “Літаратурныя постаці Талачыншчыны”. Для ўдзелу ў дадзеным мерапрыемстве былі запрошаны настаўнікі беларускай мовы і літаратуры г. Барысава і Барысаўскага раёна.
Ад нашай гімназіі на дадзеным майстар-класе прысутнічала настаўнік беларускай мовы і літаратуры Сінькевіч Л.А. Вось якімі ўражаннямі і думкамі падзялілась настаўніца пасля наведвання майстар-класа:
– З цікавасцю пазнаёмілася з вопытам работы калегі з г. Талачын Плескача Сяргея Іосіфавіча, які расказаў, як быў распрацаваны і паспяхова рэалізаваны на працягу двух гадоў адукацыйны праект “Літаратурныя постаці Талачыншчыны”.
Мэта праекта – сфарміраваць у вучняў устойлівую цікавасць да мастацкай літаратуры як да ўнікальнай культурнай з'явы праз сістэмнае знаёмства з лёсамі гістарычных і літаратурных персанажаў, якія маюць тое ці іншае дачыненне да іх малой радзімы.
Незвычайным падалося тое, што ўдзельнікамі праекту былі не толькі вучні 5-9 класаў, а таксама педагагічны калектыў Талачынскай раённай гімназіі, бацькі вучняў.
Добра прадуманая ідэя праекта дае магчымасць эфектыўна наладзіць міжпрадметныя сувязі, пазакласную выхаваўчую работу, падрыхтаваць заданні і практыкаванні, распрацаваць серыю ўрокаў і змест праграм факультатыўных заняткаў. Усё гэта дазваляе сфарміраваць трывалую цікавасць вучняў да мастацкай літаратуры.
Выразна праяўляюцца ў дадзеным адукацыйным праекце міжпрадметныя сувязі беларускай літаратуры, гісторыі і геаграфіі. Ніжэй прадстаўленая табліца дае рэальную магчымасць ў гэтым пераканацца.
|
Літаратары, якія нарадзіліся ў Талачынскім раёне
|
Літаратары, якія па нейкіх абставінах былі звязаны з Талачыншчынай (гістарычным рэгіёнам), або ў чыіх творах героі ці падзеі звязаны з Талачынскім раёнам
|
Гістарычныя асобы, лёс якіх звязаны з Талачыншчынай
|
Мастакі-талачынцы, і землякі, якія прадстаўляюць іншыя віды мастацтва
|
|
Міхась Зарэцкі
|
Тамаш Зан
|
Ягайла
|
Міхаіл Савіцкі
|
|
Алесь Петрашкевіч
|
Янка Купала
|
Вітаўт
|
Лявон Баразна
|
|
Вера Вярба
|
Якуб Колас
|
Соф’я Друцкая-Гальшанская
|
Вітольд Бялыніцкі-Біруля
|
|
|
Пімен Панчанка
|
Леў Сапега
|
Юрый Палякоў
|
|
|
Васіль Быкаў
|
Напалеон Банапард
|
Ірвінг Берлін
|
|
|
Уладзімір Караткевіч
|
Пётр Машэраў
|
Валерый Анісенка
|
|
|
Павел Місько
|
Леанід Брэжнеў
|
|
|
|
Аляксей Дудараў
|
|
|
|
|
Вінцэсь Мудроў
|
|
|
Падчас правядзення майстар-класса С.І. Пляскач звярнуў ўвагу, што настаўнікі гісторыі і геаграфіі ў межах урокаў і факультатыўных заняткаў забяспечвалі суадносіны гістарычных аб’ектаў і падзей з сучаснай картаграфіяй. На працягу года ствараліся турыстычныя маршруты па мясцінах, звязаных з жыццём літаратурных постацей. Для выканання гэтай работы вучням неабходна было навучыцца працаваць з рознымі крыніцамі інфармацыі, аналізаваць і выбіраць толькі неабходнае. Настаўнікі літаратуры дапамагалі вучням пашырыць уяўленне пра перыпетыі ў жыцці майстроў слова і прасачыць, адлюстраваць іх жыццёвыя пуцявіны, якія пралягалі за межамі раёна.
Дадзены адукацыйны праект дазваляе сфарміраваць і падтрымаць цікавасць да мастацкай літаратуры, выпрацоўвае ўменні знаходзіць і працаваць з інфармацыяй, ствараць мультымедыйныя прэзентацыі, чытацкія канферэнцыі, дае магчымасць праводзіць вучням экскурсіі з выкарыстаннем знойдзеных матэрыялаў. Створаная на працягу двух навучальных гадоў сістэма дазваляе развіваць устойлівую цікавасць вучняў да мастацкай літаратуры як да выключнай грамадска-культурнай з’явы, выхоўваее глыбокага, удумлівага чытача, шчырага патрыёта сваёй Бацькаўшчыны.
Пазнаёміўшыся з прадстаўленым вопытам работы Плескача С.І., задаешся пытаннем: “Літаратурныя постаці Барысаўшчыны. Якія яны?”.